ប្រភពមកពី
news.sabay.com
ដូចពាក្យថាទីក្រុងរ៉ូមមិនមែនសាងសង់តែមួយថ្ងៃហើយនោះទេ
បុរសចំណាស់ជនជាតិបារាំងមួយរូបបានចំណាយពេលស្ទើរតែពាក់កណ្ដាល
ជីវិតរបស់គាត់ដើម្បីសាងសង់រាជវាំងមួយដោយប្រើដុំថ្មតូចៗដែល
គាត់ប្រមូលបាន។
បុរសពោះម៉ាយខាងលើមានឈ្មោះថា Ferdinand Cheval
បានរៀបរាប់ថាលោកតែងតែប្រមូលគ្រាប់ក្រួសតូចនិងធំតាមទំហំនិង
ភាពស្រស់ស្អាតរបស់វា
តាមផ្លូវដែលលោកទៅចែកសំបុត្រឱ្យអ្នកស្រុកនៅបារាំង
ហើយពេលទំនេរ
លោកតែងរុញរទេះដើររើសថ្មទាំងនោះចម្ងាយផ្លូវប្រហែល២៨គីឡូម៉ែត្រ
ដើម្បីទុកកសាងប្រាសាទក្នុងក្ដីស្រមៃរបស់លោក។
លោកក៏បានបន្តថា គម្រោងការនេះបានចាប់ផ្ដើមនៅឆ្នាំ១៨៧៩
បន្ទាប់ពីការដើររើសដុំថ្មទាំងនោះក្លាយជាចំណូលចិត្តរបស់លោក
រួចមក។ ជាលទ្ធផល
រាជវាំងធ្វើពីក្រួសក៏បានបញ្ចប់រួចរាល់ដោយមានសសរ ចន្ទល់
និងក្លោងទ្វារចូលយ៉ាងប្រណិតមិនគួរឱ្យជឿ។
តាមការឱ្យបន្ថែមពីលោក Cheval
ជញ្ជាំងផ្នែកខាងក្រៅមានប្រវែង២៤ម៉ែត្រ
កម្ពស់១០ម៉ែត្រដែលបានប្រើរយៈពេល២២ឆ្នាំទើបរួចរាល់
ដោយលោកប្រើដុំក្រួសជាមួយកំបោរ បាយអ និងស៊ីម៉ងត៍។
ម្ចាស់គម្រោងដ៏អស្ចារ្យនេះបានសុំឱ្យយកសពរបស់គាត់ទៅកប់នៅ
ក្រោមប្រាសាទនោះ នៅពេលដែលលោកស្លាប់។
ប៉ុន្តែសំណើនេះមិនត្រូវបានអនុញ្ញាតដោយរដ្ឋអំណាចទេ ហើយលោក
Cheval ក៏បានសាងសង់ចេតិយសម្រាប់ខ្លួនលោកនៅទីកប់ខ្មោច
ជាកន្លែងដែលសពរបស់លោកត្រូវបានគេបញ្ចុះនៅឆ្នាំ១៩២៤
មួយឆ្នាំក្រោយការបញ្ចប់ការសាងសង់ប្រាសាទរបស់លោក។
សូមទស្សនារូបភាពរាជវាំងដែលបុរសរត់សំបុត្រជនជាតិបារាំងបានកសាងដោយផ្ទាល់ក្នុងរយៈពេល៣៣ឆ្នាំមកនេះ៖
ប្រែសម្រួល៖ សុគន្ធី
ប្រភព៖ dailymail
