បើតាមការឱ្យដឹងពីភ្នាក់ងារព័ត៌មាន UPI បុរសម្នាក់បានស្លាប់ ដោយសារបញ្ហាខូចក្រលៀន បន្ទាប់ពីផឹកតែទឹកកកជាងបីលីត្រជាប្រចាំថ្ងៃ។
បុរសមិនស្គាល់អត្តសញ្ញាណ រស់នៅកណ្ដាលរដ្ឋ Arkansas បានត្អូញត្អែរថាអស់កម្លាំង និងរមាស់ ហើយលោកត្រូវគេបញ្ជូនទៅមន្ទីរសង្គ្រោះបន្ទាន់ភ្លាមៗនោះដែរ។
ក្រុមវេជ្ជបណ្ឌិតបានបង្ហាញអារម្មណ៍ភ្ញាក់ផ្អើល ពេលរកឃើញសារធាតុ គ្រីស្តាល់អូសាឡាតកាល់ស្យូម ក្នុងបរិវេណតម្រងនោម។
ប្រភពថា បុរសម្នាក់នេះគ្មានប្រវត្តិកើតជំងឺគ្រួសតម្រងនោម ឬជំងឺផ្សេងៗឡើយ ប៉ុន្តែលោកមានកម្រិតសារធាតុ អំបិលអូសាឡាតអាស៊ីត ( Salt of Oxalate Acid)។
ទោះជាយ៉ាងណា បើតាមការធ្វើកោសល្យវិច័យអះអាងថា ក្រលៀនរបស់បុរសវ័យ៥៦ឆ្នាំបានខូច ដោយសារមានសារធាតុ អូសាឡាតច្រើនពេក។
ក្រុមវេជ្ជបណ្ឌិតបានសួរបុរសនោះពីរបបអាហារ ហើយអ្នកជំងឺប្រាប់ថា លោកបានផឹកតែទឹកកក៣លីត្រក្នុងមួយថ្ងៃ (តែទឹកកកមានផ្ទុកសារធាតុអូសាឡាតខ្ពស់)។
ករណីនេះគ្រូពេទ្យមិនបានបញ្ជាក់ឱ្យក្បោះក្បាយទេ គ្រាន់តែប្រាប់ថាអ្នកជំងឺទទួលទានតែទឹកកកច្រើនពេក ដែលបណ្ដាលឱ្យក្រលៀនខូច។
តែខ្មៅសំបូរដោយ Oxalate ៥០ – ១០០មីលីក្រាមក្នុង១០០មីលីលីត្រ ជាកម្រិតមួយជិតស្មើនឹងសារធាតុ Oxalate មានក្នុងអាហារមួយចំនួន។ ផឹកតែ១៦ពែងក្នុងមួយថ្ងៃ រាងកាយមនុស្សស្រូបយកសារធាតុ oxalate ច្រើនជាង១៥០០មីលីក្រាម (ខ្ពស់បំផុត) អាចបង្កឱ្យគ្រោះថ្នាក់ តែបើផឹក២ឬ៣កែវក្នុងមួយថ្ងៃ មានសុវត្ថិភាព បើសិនមិនទទួលទានអាហារមានសារធាតុនេះ៕
0 comments:
Post a Comment