រាជធានីភ្នំពេញ ៖ គេហទំព័រអង្គការសហប្រជាជាតិ បានត្រូវក្រុម Hacker អនាមិកដែលដាក់ឈ្មោះថា MexicanHackers ធ្វើការវាយប្រហារ (ចូលបំផ្លាញទិន្នន័យក្នុងគេហទំព័រ) ។
នៅលើគេទំព័រអង្គការសហប្រជាជាតិ(អ.ស.ប)ប្រចំាកម្ពុជាដែលមានអាសយដ្ឋាន (WWW.UN.ORG.KH) នៅរសៀលថ្ងៃទី១០ កុម្ភៈ ២០១៥ មិនត្រូវបានគេមើលឃើញព័ត៌មានអ្វីក្រៅពីរូបភាពនាយករដ្ឋមន្រ្តីអ៊ីស្រាអ៊ែល លោក ប៊ិនយ៉ាមីន ណេតាន់យ៉ាហ៊ូ យកដៃស្តំាបិទមាត់ខ្លួនឯងនិងយកដៃឆ្វេងខ្ទប់ភ្នែកលោកប្រធានាធិបតីអាមេរិក បារ៉ាក់ អូបាម៉ា ចំណែកលោកប្រធានាធិបតីអេមរិកដែលនៅកណ្តាលនោះវិញបានយកដៃឆ្វេងបិទត្រចៀកលោក បាន គីមូន អគ្គ
លេខាធិការ អ.ស.ប ហើយលោក បាន គីមូនយកដៃឆ្វេងខ្ទប់ត្រចៀកខាងឆ្វេងខ្លួនឯង ក្នុងន័យប្រមាថមើលងាយមេដឹកនំាទំាង០៣រូប ។
មកដល់ម៉ោង៥និង៣០នាទី រសៀល ថ្ងៃអង្គារនេះ ទំាងមន្រ្តីរាជរដ្ឋាភិបាល និង មន្រ្តីអ.ស.បប្រចំាកម្ពុជា មិនអាចទាក់ទង ដើម្បីសុំការអត្ថាធិប្បាយ បានភ្លាមៗនៅឡើយទេ ៕
0 comments:
Post a Comment